极具野心的世界观
从最表面睇进击就系充满血腥、暴力同热血，但相似嘅作品喺动漫界根本数之不尽，点解进击可以突围之出？仲要由一位名不经传嘅漫画家谏山创完成呢项创举，如果先将三位主角嘅经历放埋一边，成个故事嘅主线就系源自一条匙，唔知大家仲记唔记得一开始艾伦老母仲在生嘅时候，佢老豆决定向艾伦介绍地下室嘅存在？呢个绝对系一个既有野心又有小聪明嘅设定，因最近动画版大热，作者又对地下室的秘密一拖再拖，结果成个故事嘅结局就由一条匙决定？！
串连整个故事的轴心
进击的巨人呢套嘢，并唔系今时今日先有嘅作品，只系动画版嘅推出令到呢套嘢变成大热之作，由一页页黑白印刷嘅漫画，变成有声有色嘅动画，吸引性自然大增，本身谏山创嘅画风唔算成熟，但动画化后完全睇唔出有呢种缺点，就好似改篇电影一样，制作组无必所提及所有情节，带出主要嘅段落，再将精彩吸引嘅镜头优化，最后配上适当嘅音效，已经足以打动众。
音乐万能Key？！
另一个令进击喺网上备受注目嘅原因，就系音乐上嘅设计，网上改篇之多应该唔洗小弟举例，各位嘅FB早已经被轰炸，其实日文歌词只要合韵就可以插到任何一首歌之中，但红莲之弓矢呢首OP更加连影像都可以变埋万能Key，一开始一段激烈嘅前奏带出主调，再配上一段独白式演唱，喺完整版入面更够能听得出，中段就系不断以开始时嘅主调作背景音乐，再加上跟剧情相关嘅歌词，各位不妨认真听一下，一开始段副歌出现咗几多次XD。
于Joysound压过AKB同残酷的天使～
比18桐人更强嘅Coser
曾几何时，川原砾嘅刀剑亦都因为动画化而大热一时，创下18桐人嘅Cosplay记录，虽然唔知进击热潮可以持续几耐，但呢部作品绝对创下最疯Coser记录（下图），亦有唔少人专扮低能巨人（图片过份不雅，无法展出），如无意外今个8月香港CW同动漫展都会见到一大堆自卫兵团（笑），各位就准备比较一下，乜水扮得最似啦！
为理想的一跳…
你又打唔打算买返件？
周边主打暴力美学
一部作品要揾钱，除咗原著漫画、动画DVD之外，就要靠周边揾食，但进击无乜可能跟卖肉番，出迷人嘅Figma，所以头几批官方授权嘅公仔都系以主力做卖点，主打吞食同战斗时嘅场景，作为装饰品，次次望到𠮶啲偏粉红色嘅蕃茄汁都令人回味无穷（？！）。
真系会有好嘅销量？！
